Ek soch

Ek Soch

Aaj phir ek khwaab dekha
Darwaaze ke paar khada ek bhikhari
Maang raha hai kuchh khane ko
Maa kahti hain bheekh kyon maangta hai
Kya duniya men kaam nahi hai karne ko

Ek pheeki si muskaan liye
Bikhari kuchh na bola
Magar maine dekha uski aankhen bol rahi thi
Maano kah rahi hon
Tum khush ho kyonki tumhaare paas kaam hai
Kal na rahe to kya karoge

Bikhari to chala gaya par main sochti rahi
Jinke paas kaam nahi kya wo sab bhi…….
Kaash ki mere bas men hota
To duniya men koi bhookha na sota
Magar afsos! Main bhi aap men se hi hoon
Ek aam insaan jo sochta to hai
Magar kuchh karne ki himmat nahi kar pata
Jaane kab badlegi ye soch
Jaane kab badlegi ye soch!