kitne din tarsaya tumne
mujhko ye sab sunne ko
tum kya jano taras rahi thi
kitna main tumse milne ko
us din jab tum ghar se gaye the
tab se main kitna royi thi
jo saath tumhare beeti thi
un yaadon men main khoyi thi
ab jab tum aa laute ho
ab jaane na doongi tumko
jaaoge bhi ab kaise bolo
rasta-manzil sab hoon main to
ye chhota sa ek nazrana
jo aaj diya hai tumne mujhko
saath hamesha rakhoongi main
pyar ke dhaage men piro ke isko
2 comments:
Really very nice poem
Dil jo choo lene wali kavita hai ye...
Keep on trying...
thanks a lot dear
Post a Comment